Wie si mir?

D'ACEN setzt sech zanter Juni 2014 fir d’Rechter an d’Interessie vun de Chargées de cours, d’éducation, d’enseignement an de remplacement an. Sidd dir Chargée ?

Neiegkeeten

Meeschter an der Beruffsausbildung

D’ACEN begréisst déi Offensiv vum Ministère d’Handwierk erëm opwäerten ze wëllen. Et soll laut Aussoe vum Ministère erëm attraktiv sinn eng Léier ze maachen, an eng ofgeschlosse Beruffsausbildung soll de Betraffenen och erméigleche fir sou vill wéi méiglech weider Diplomer ze maachen. De Stellewäert vum Handwierk an och vun den Ausbildungen an eisem Schoulsystem vun handwierkleche Beruffer huet déi lescht Joerzéngte massiv gelidden, a krut och an eisen Aen ze wéineg Opmierksamkeet. D’ACEN ass dofir zefridden, datt hei nogebessert, an d’Beruffsausbildung verbessert soll ginn.

Weider liesen

Kommunikatioun zum 1. Mee

Den Dag vun der Aarbecht, Dag vun den Aarbechterbeweegungen, steet virun der Dier. An och just duerch den Zesummeschloss vun alle Chargéen an der ACEN ass d’Situatioun am Enseignement an de leschte 5 Joer kontinuéierlech besser ginn. Dofir bleift den 1. Mee och fir eis e wichtegen Dag. D’ACEN begréisst d’Pläng vum Ministère endlech de Stage ze reforméieren. Eng Rei vu Problemer kënnen esou hoffentlech gekläert ginn, a vill jonk Kolleegen dierften dovunner profitéieren. Dat 1. Joer Stage wäert zukünfteg zoudeem fir Proffen a Chargéen identesch sinn, esou datt den Iwwergang vum Chargé zum Proff méi liicht soll ginn.

Weider liesen

Member ginn

Vu Chargéë fir Chargéen, an net iwwert de Kapp vun de Betraffenen ewech, suergt d’ACEN dofir, datt d’Chargéë selwer op den néidege Plazen zu Wuert kommen. Esou huet d’ACEN schonn 2015 eng Reduktioun vun der Tâche vun de Chargéë mam Educatiounsminister ausgehandelt, a konnt 2018 och eng Unerkennung vun den universitären Diplomer mam Minister vum ëffentlechen Déngscht aushandelen. D’ACEN ass en unerkannte Verhandlungspartner vun der Politik a vertrëtt als eenzeg Gewerkschaft d’Interessie vun alle Chargéen, egal op Dir am Lycée oder an der Erwuessenebildung schafft. Wann Dir Member vun der ACEN wëllt ginn, dann iwwerweist w.e.g. de jäerleche Membersbäitrag vu 50 Euro op de folgende Konnt a maacht eis e Mail mat Ären Donnéeën: ACEN a.s.b.l. Luxembourg IBAN: LU30 0019 4355 6742 6000 BIC: BCEELULL Cotisation annuelle: 50 Euro Nëmmen zesumme si mir staark !

Weider liesen

Pressecommuniqué

D’ACEN hat haut, den 18. Abrëll mam Minister vum ëffentlechen Déngscht Dan Kersch, der ALBSC, esouwéi de CGFP-Ënnergewerkschaften SLEG, ALEE an AGITE eng Entrevue, an där d‘Upassung vun de Carrièrë vun de betraffene Beruffsverbänn d’Thema war.

Weider liesen

Den neie Stage fir d’Chargéen

De Chargé ass scho ganz laang keen « ongeléierten Ersatzprof » méi, ganz am Géigendeel, ass een Enséignement ouni d’Chargéë scho laang net méi méiglech. D’Chargéen hunn déi selwecht universitaire Diplomer ewéi en nominéierten Enseignant, den Ënnerscheed ass, datt de Chargé als Employé agestallt gouf, während de Prof de Comcours gepackt huet.

Weider liesen

Fonctionnarisatioun

Vertrieder vun der ACEN hunn sech de 24.10.2017 mam Camille Peping an d’Danielle Stammet vum IFEN getraff fir iwwert d’Detailer vun der méiglecher Fonctionnarisatioun no 15 Joer ze schwätzen, an och fir déi nei Modalitéite vum Stage fir d’Chargéen ze diskutéieren.

Weider liesen

Kommunikatioun

D’ACEN ass frou an houfreg, datt no villen a laange Gespréicher 2018 endlech eng gutt Léisung fonnt ginn ass, fir de Chargéen hir Diplomer an och hir Anciennetéit unzëerkennen. 20 Joer nodeem aus onlogesche Grënn d’Chargéen degradéiert gi waren, konnt duerch den Asaz vun der ACEN an der gudder Zesummenaarbecht mat den zwee Ministèren dës Ongerechtegkeet endlech ofgeschaaft ginn.

Weider liesen

Een éischten Accord gouf fonnt

D’ACEN ass frou 16 Méint no hirer Grënnung een éischten Accord mam Minister Claude Meisch fonnt ze hunn, fir déi ze héich Tâche vun de Chargéen an engem Dräijoresplang erofzesetzen.

Weider liesen